Ostona shahridagi maktablarning 1-4 sinf o‘quvchilari bepul ovqat bilan ta'minlanadi

Qozog‘iston poytaxti Ostona shahridagi 1-4 sinf o‘quvchilari bepul taom bilan ta'minlanadi, deb xabar berdi Tengrinews.kz shahar hokimiyatiga asosan.

Ostona shahrining 2017-2019 yillarga mo‘ljallangan byudjyetida ta'lim sohasiga yo‘naltiriladigan sarf-xarajatlar ko‘zda tutilgan bo‘lib, uning ichida 1-4 sinf o‘quvchilarini bepul ovqat bilan ta'minlash ham bor. Shuningdek, barcha oliy o‘quv yurtlaridagi talabalarni imtiyozli oylik chiptalar bilan ta'minlash, sog‘liqni saqlash, ijtimoiy yordam va madaniyat, jismoniy tarbiya hamda sportni rivojlantirish ham ko‘zda tutilgan.

Avvalroq, byudjyet va ijtimoiy soha ishchilariga bitta maoshni berish uchun byudjyetdan bir milliard 900 million tenge ajratilishi xabar qilingandi. Bundan tashqari, kam ta'minlangan fuqarolarga ham yordam puli beriladi.