Chimkent ko‘chalaridagi noodatiy davlat raqamiga ega avtomobil

Chimkentda davlat raqamida uchta nol va uchta “O” harfi bo‘lgan avtomobil boshqa mashina haydovchilarining hayratiga sabab bo‘ldi. G‘aroyib raqamlarga ega avto haqida Nur.kz xabar bergan.

Ma'lumotlarga ko‘ra, shunday davlat raqamiga ega mashina shahar bo‘ylab harakatlangan. Undagi raqam va harflar o‘zaro oltita “nol”ni tashkil qiladi.

Ta'kidlanishicha, bu holat Chimkentda sodir bo‘lgan. Avtomobilda esa poytaxt shahri kodini ko‘rish mumkin.

Shu bilan bir qatorda, Ostona ichki ishlar departamentida bunday davlat raqami rasman ro‘yxatdan o‘tishi mumkin emasligini ma'lum qilishgan.