NASA internetda GIF kanal ochdi

Amerikaning kosmik agentligi bo‘lmish NASA internetda shaxsiy GIF kanalini ochdi. Unda qiziqarli videoyozuvlar joylashtirib boriladi. NASA jahonda ilmiy videolar kolleksiyasiga ega eng katta tashkilot hisoblanadi. Videolarning aksariyati yirik hajmga ega, shu bois ularni besh-o‘n soniyalik animatsiyali parchalarga aylantirib, taqdim etadi.

Ayni paytda uning saytida 462 ta parcha joylashtirilgan. Ular orasida Xalqaro kosmik stansiya bortidan turib tasvirga tushirilgan qiziqarli videotasvirlarni ham uchratish mumkin.