Anqaradagi ko‘chalardan biri marhum elchi Karlov nomi bilan ataladi

Anqara Rossiya elchisi Andrey Karlovning o‘limi sabablarini aniqlash uchun bor imkoniyatlarni ishga soladi, aybdorlar tegishli ravishda jazoga tortiladi. Bu haqda Turkiya Tashqi ishlar vazirligi rahbari Mevlud Chavusho‘g‘li ma'lum qildi, deb xabar beradi TASS.

Bundan tashqari, uning so‘zlariga ko‘ra, Anqaradagi Rossiya elchixonasi joylashgan ko‘cha Karlov nomi bilan ataladi.

Uning ta'kidlashicha, Rossiya va Turkiya terrorchilarga o‘z maqsadiga erishishlariga yo‘l qo‘ymasligi lozim. Turkiya Rossiya bilan Suriya bo‘yicha muzokaralarni davom ettirishi ham aytilgan.