Tramp vakili AQSh saylangan prezidentining yadro salohiyati haqidagi so‘zlariga izoh berdi

AQSh saylangan prezidentining vakili Jyeyson Millerning aytishicha, Donald Trampning AQSh yadro salohiyatini yanada kuchaytirish haqidagi so‘zlarini noto‘g‘ri tushunishgan. Uning so‘zlariga ko‘ra, Tramp bu bilan yadro qurolini tarqatmaslik, ayniqsa, terrorchi tashkilotlar ixtiyoriga tushib qolmasligi bo‘yicha mavjud choralarni davom ettirish zarurligini nazarda tutgan, deb xabar qilmoqda «Interfaks» agentligi.

«Bu so‘zlar yadroviy qurollar tarqalishiga oid tahdidlar bilan bog‘liq bo‘lgan. Tramp so‘zlari, ayniqsa, terrorchilik tashkilotlari va beqaror hamda firibgar tuzumlarga oiddir», - degan Miller jurnalistlar bilan uchrashuvida. 

22 dekabr kuni Donald Tramp Twitter sahifasida, «dunyo yadro quroliga nisbatan qarashini o‘zgartirmas ekan», Qo‘shma Shtatlar o‘z yadro salohiyatini kuchaytirishi lozim degan fikrlarni yozgan edi.