Ugandada futbolchilar qayig‘i cho‘kishi oqibatida 30 kishi halok bo‘ldi

Ugandada Albert ko‘lida mahalliy futbol klubi o‘yinchilari ketayotgan qayiq to‘ntarilib ketishi oqibatida kamida 30 kishi halok bo‘ldi. Bu haqda The Guardian xabar bermoqda. 

Huquq-tartibot muassasalari vakillarining aytishicha, ko‘l osoyishta bo‘lgan, biroq sportchilar va muxlislar Rojdestvo munosabati bilan bir qayiqqa yig‘ilib, unda xursandchilik qilishayotganda u to‘ntarilib ketgan. 

Ma'lum qilinishicha, futbolchilar o‘rtoqlik uchrashuviga yo‘l olishayotgan bo‘lgan. Kemadagi 45 kishidan 15 kishi qutqarib qolingan. 9 kishining jasadi suvdan chiqarib olingan.