Rubl 2016 yilni yaxshi natijalar bilan yakunladi

Rossiya rublining 2016 yil yakunlariga ko‘ra kursi dollarga nisbatan 20,1 foizga va yevroga nisbatan 24,7 foizga oshdi. Bundan Moskva birjasi ma'lumotlari darak bermoqda.

Dollar kursi birjadagi savdolarning oxirgi kuni 61,27 rubl, yevroniki esa 64,52 rubl darajasida o‘rnatildi. 2015 yil oxirida dollar kursi 73,59 rublni, yevroniki esa 80,43 rublni tashkil qilgandi.

Yil davomida dollar eng maksimal ko‘rsatkichga 21 yanvarda erishgandi, o‘shanda uning kursi 86 rublni tashkil qilgan. Yevro qiymati esa o‘shanda 93,7 rubl bo‘lgan.