Madridda to‘ng‘izlar tufayli 146 YTH qayd etildi

Madrid hukumati yovvoyi to‘ng‘izlarni otish bo‘yicha kampaniyaga start berishiga to‘g‘ri keldi. Bunga ularning shahar yaqinida ko‘payib ketgani sabab qilib ko‘rsatilmoqda. The Local nashri shu haqida xabar berdi. 

So‘nggi 5 yilda shahar hukumati bir necha marta shunday kampaniya haqida e'lon qilgan. Aholi o‘q ovozidan qo‘rqib ketmasligi uchun to‘ng‘iz ovi nayzalar yordamida amalga oshiriladi. 

Biroq ekologlar jonivorlarning bunday usulda yo‘q qilinishiga qarshi chiqishmoqda, bunga muvaffaqiyatsiz ov natijasida to‘ng‘izlarning azoblanib o‘lishi sabab qilib ko‘rsatilmoqda. 

Ovchilar parklar, golf mayonlari va Madrid chekkalarida to‘ng‘izlarni nayzadan poylashmoqda. 

Politsiya ma'lumotlariga ko‘ra, Madridda to‘ng‘izlar tufayli kamida 146 YTH sodir bo‘lgan.