AQSh Usoma bin Lodinning o‘g‘liga qarshi sanksiya kiritdi
AQSh Usoma bin Lodinning o‘g‘li Hamza bin Lodin va "Arabiston yarimorolidagi "Al-Qoida" yetakchisi" Ibrohim al-Bannaga qarshi sanksiya kiritdi, deb ma'lum qildi AQSh Davlat departamenti.
Ma'lum qilinishicha, Hamza bin Lodin "AQSh milliy xavfsizligi va fuqarolariga jiddiy xatar bildiruvchi" faoliyati sababli sanktsion ro‘yxatga kiritilgan. U 2015 yil avgustdan rasman "Al-Qoida" safiga kirgan bo‘lib, g‘arb davlatlari poytaxtlariga hujumlar qilishga, jumladan AQSh va amerikaliklardan o‘ch olishga chaqiradi.
Sanktsion ro‘yxatga "Al-Qoida"ning Arabiston yarimorolidagi yetakchilaridan biri Ibrohim al-Banna ham kiritildi. AQSh ma'lumotlariga ko‘ra, u terrorchilik guruhi uchun "jangarilarni tayyorlashda va ma'lumot to‘plashda ko‘p marotaba ishtirok etgan". AQSh avvalroq al-Bannaning tutilishiga ko‘mak berganlik uchun 5 mln dollar miqdorida mukofot puli va'da qilgandi.
AQSh moliya vazirligi qarori bilan yuqoridagi shaxslarning AQSh hududidagi barcha mol-mulki va moliyaviy aktivlari muzlatib qo‘yiladi, AQSh fuqarolariga ular bilan ish olib borish taqiqlanadi.
Mavzuga oid
22:37 / 28.09.2024
AQShda «Helen» to‘foni oqibatida 50 dan ortiq kishi halok bo‘ldi
18:53 / 28.09.2024
AQSh Davlat kotibi Markaziy Osiyo davlatlari tashqi ishlar vazirlari bilan uchrashdi
13:13 / 28.09.2024
“Mister va missis Ogorodnikoff”: AQShda ishlagan KGB josuslari qanday fosh qilingandi?
12:55 / 28.09.2024