Gvardiola UYeFAning barcha davrlardagi eng yaxshi murabbiylari qatoriga kirmadi

UYeFA barcha davrlardagi o‘zining eng yaxshi 10ta murabbiyi nomini e'ln qildi. Ushbu ro‘yxatdan yetti yil davomida 21ta sovrinni qo‘lga kiritgan «Manchester Siti» bosh murabbiy Xosep Gvardiola joy olmadi.

Murabbiy yetti yilda «Barselona» va «Bavariya»dagi faoliyati sabab dunyoning eng ko‘p sovrinlarini qo‘lga kiritgan murabbiy sifatida e'tirof etib kelinishiga qaramay, UYeFA buni inobatga olmadi.

UYeFA rasmiy sayti tashkilot tashkil qilingan 1954 yildan boshlab eng yaxshi murabbiylar o‘nligini e'lon qildi. UYeFA fikriga ko‘ra, bu davrda qit'ada eng e'tiborli ishlarni amalga oshirgan murabbiylar sifatida Brayan Klaff, Yoxan Kruiff, Visente del Boske, Aleks Fergyuson, Elenio Errera, Udo Lattek, Valeriy Lobanovskiy, Rinus Mixels, Joze Mourino va Arrigo Sakki e'tirof etildi.