AQSh razvedkasi Tramp AQShga ziyon yetkazishi mumkinligidan ogohlantirdi

Markaziy razvedka boshqarmasi direktori Jon Brennan AQSh prezidenti etib saylangan Donald Trampning AQSh milliy xavfsizligi manfaatlari haqida qayg‘ura olishga qodirligiga ishonchi komilmasligini aytdi.   

Brennanning fikricha, Trampning poyintar-soyintarligi bunda unga xalaqit berishi mumkin. "Poyintar-soyintarlik – milliy xavfsizlik manfaatlarini himoyalaydigan narsa emas. Tramp gapirganda yoki munosabat bildirganda, uning bu harakati AQShga olib keladigan oqibatlar haqida o‘ziga hisobot berishiga ishonch hosil qilib ko‘ring. Bu oqibatlar esa juda chuqur bo‘lishi mumkin", deb aytgan Brennan Fox News telekanaliga bergan intervyusida.

Brennan shuningdek Trampning maxsus xizmatlarni natsistlar kabi ish tutishlari haqidagi gaplarini qoraladi. Brennan bunday o‘xshatishga "yo‘l qo‘yib bo‘lmasligini" aytgan.