Kreml Putin samolyotining nima uchun ta'mirlanganiga izoh berdi
Rossiya prezidenti Vladimir Putin samolyotining ta'mirlanishi kutilmagan holat bilan bog‘liq emas. Davlat rahbari matbuot kotibi Dmitriy Peskovning bayonot berishicha, davlatning birinchi shaxslari foydalanadigan maxsus "Rossiya" parvoz guruhining barcha samolyotlariga texnik va xavfsizlik nuqtai-nazaridan o‘ta yuqori talablar qo‘yiladi.
"Texnik xizmat ko‘rsatish amalga oshirilmoqda. Bilasizmi, davlatning birinchi shaxslariga xizmat qiluvchi parvoz guruhi foydalanadigan samolyotlar, tabiiyki, maxsus nazorat ostida bo‘ladi. Shunga ko‘ra, zaxiralash, tekshirish va shu kabi talablar kuchaytirilgan bo‘ladi. Aynan mana shu jarayonlar amalga oshirilmoqda", — degan Peskov jurnalistlarga.
Shu bilan birga, ta'mirlash kutilmagan holat bilan bog‘liqmi?, degan savolga "yo‘q", - deya javob bergan.
"Izvestiya" nashrining yozishicha, Putinning xorijiy safarlarda foydalanadigan Il-96-300 VIP-borti chap qanotiga biroz zarar yetgan, stabilizator ustki qismiga ham talofat yetgan. Samolyotni ta'mirlash bo‘yicha tender davlat xaridlariga doir saytda e'lon qilingan.
Mavzuga oid
20:51 / 04.10.2024
Rossiya «Tolibon»ni terrorchilar ro‘yxatidan chiqarish bo‘yicha ishlarni yakunlamoqda - FXX rahbari
18:42 / 04.10.2024
Rossiyada o‘zbek diasporasi yetakchisi noqonuniy migratsiyani tashkil etishda gumon qilinmoqda
09:00 / 04.10.2024
«Gazprom» Rossiyada eng zarar ko‘rgan kompaniyalar ro‘yxatini boshqaryapti
23:19 / 03.10.2024