Italiyada ko‘chki tagida qolgan mehmonxonadagi qurbonlar soni 21 kishiga yetdi

Qutqaruvchilar ko‘chki ostida qolgan mehmonxona vayronalari ostidan yana uch kishining jasadini olib chiqishdi. Shunga ko‘ra, ushbu fojiada halok bo‘lganlar soni 21 kishiga yetdi. Bu haqda RaiNews24 xabar bermoqda.

Ayni damda mehmonxonada qolib ketayotgan sakkiz kishi rasmiy ravishda bedarak yo‘qolganlar sifatida qayd etilmoqda. Shuningdek, ko‘chki ostidan 11 kishining qutqarib qolingani ham e'tirof etilgan.

Bundan avval, Italiyaning markaziy qismidagi Farindola kommunasida joylashgan, qor ko‘chkisi ostida qolgan Rigopiano mehmonxonasida halok bo‘lganlar soni 16 kishigacha oshganligi xabar berilgan edi.