Rossiya Tojikistonning «Somon Eyr» aviakompaniyasi parvozlariga cheklovlarni bekor qiladi

Rossiya va Tojikiston "Somon Eyr" aviakompaniyasining RF mintaqalariga havo parvozlarini amalga oshirishga qo‘yilgan cheklovlarni olib tashlashga qaror qildi. Bu haqda Tojikiston transport vaziri o‘rinbosari Sherali Ganjalzoda jurnalistlarga ma'lum qilgan. Rossiya-Tojikiston savdo-iqtisodiy hamkorlik bo‘yicha hukumatlararo komissiyasining majlisidan so‘ng, shunday qarorga kelingan. 

Bunda Rossiyaning Jukovskiy aeroportidan parvozlar paritetga muvofiq amalga oshiriladi.

""Somon Eyr" aviakompaniyasining Krasnoyarsk, Krasnodar, Ufa va Orenburg shaharlariga parvozlarni qayta boshlashga kelishib oldik, - degan Ganjalzoda. – Jukovskiy aeroportidan parvozlar paritet asosida amalga oshiriladi. "Tajik Eyr" davlat kompaniyasi ushbu aeroportdan qatnovlarni yo‘lga qo‘yishga ruxsat oldi".

Vazir o‘rinbosarining aytishicha, "Yamal" aviakompaniyasining Jukovskiydan Tojikistonga parvozini to‘xtatish qarori yozgi mavsumgacha amal qiladi.