Asad taslim bo‘lgan jangarilarga amnistiyaning amal qilishini uzaytirdi

Suriya prezidenti Bashar Asad taslim bo‘lgan jangarilarga amnistiya farmoni amal qilishini 30 iyungacha uzaytirdi, deb xabar bermoqda SANA axborot agentligi. 

"Asad 2016 yil 28 iyuldagi 15-farmonning amal qilishini 2017 yil 30 iyungacha uzaytirish haqidagi farmonni chop etdi", deyilgan xabarda.

Iyulda qabul qilingan farmonga ko‘ra, farmon chop etilgandan 3 oy ichida qurollangan shaxslar taslim bo‘lib, qurollarini mutasaddi idoralarga yoki politsiyaga topshirsalar javobgarlikdan ozod qilinganlar.