Erdo‘g‘an fevral oyida Fors ko‘rfazi mamlakatlari bo‘ylab safar qiladi

Turkiya prezidenti Rajab Toyyib Erdo‘g‘an 12-14 fevral kunlari Fors ko‘rfazi mamlakatlari — Bahrayn, Qatar va Saudiya Arabistoniga tashrif buyuradi. U iqtisodiy aloqalarni rivojlantirish va IShID terrorchi guruhiga qarshi kurash masalalarini muhokama qiladi. Bu haqda Saudiyaning "Okaz" nashri xabar qilmoqda.

Turkiya prezidenti o‘z safarini Bahrayndan 12 fevralda boshlaydi, so‘ngra, Saudiya Arabistoni va Qatarga boradi. 

Gazetaning yozishicha, Erdo‘g‘an Fors ko‘rfazi mamlakatlariga safarida, shuningdek, energetika, savdo va investitsiya sohalaridagi hamkorlik, Anqaraning terrorchilarga qarshi olib borayotgan harbiy harakatlarini muhokama qiladi.