Nyu-Yorkdagi muzey norozilik tariqasida Pikasso asarlari o‘rniga eronlik rassomlar ishini osib qo‘ydi
Nyu-Yorkdagi zamonaviy san'at muzeyi Pablo Pikasso, Anri Matis va boshqa g‘arb rassomlarining doimiy ekspozitsiyadagi asarlarini eronlik rassomlar ishiga almashtirib qo‘ydi. Bu AQSh prezidenti Donald Trampning muhojirlik farmonidan norozilik tariqasida amalga oshirildi, deb xabar berdi The New York Times nashri.
Gazetaning aniqlik kiritishicha, barcha asarlar “tug‘ilganidan beri yoki asli kelib chiqishi” eronlik bo‘lganlar tomonidan yaratilgan. Masalan, endilikda muzey zallarida videorassom Tala Madoniy, haykaltarosh Parvez Tanavoliy, fotosuratchi Shirona Shahboziylarning ishlarini tomosha qilish mumkin.
Bundan tashqari, sudanlik rassom Ibrohim al-Salohi va iroqlik arxitektor Zohi Hadidning ishlari ham taqdim etildi.
Har bir eksponat yonida maxsus matn bor. Unda muzey uchun mehmondo‘stlik va ozodlik g‘oyalari juda muhim ahamiyatga ega ekani aytiladi.
Mavzuga oid
16:57 / 22.09.2024
Eronda ko‘mir konida portlash ro‘y berdi. O‘nlab kishilar halok bo‘lgan
22:15 / 21.09.2024
Eron oliy rahnamosi 40 nafar chet el fuqarosini afv etdi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
11:10 / 17.09.2024