Payshanba jinoyatchilikning oldini olish va profilaktika kuni bo‘ladi

O‘zbekiston Respublikasi Prezidenti Shavkat Mirziyoyev raisligida 9 fevral kuni ichki ishlar organlari faoliyati, tizimda mavjud muammo va kamchiliklar, istiqboldagi vazifalarga bag‘ishlangan videoselektor yig‘ilishi bo‘lib o‘tdi. 

Xususan, yig‘ilishda davlat rahbari haftaning payshanba kunini jinoyatchilikning oldini olish va profilaktika kuni, deb e'lon qilishni taklif etdi. 

Shu kuni hududlar prokurorlari va ichki ishlar boshqarmalari boshliqlari mahalliy telekanallarda chiqishlar qilib, sodir etilgan jinoyatlar, ularning kelib chiqish sabablari, oldini olish bo‘yicha tadbirlar va profilaktikasi haqida axborot beradi.