UYeFA YeChL finali va pley-offi uchun tayyorlangan to‘p taqdim etildi

UYeFA va adidas kompaniyasi Yevropa chempionlar ligasining pley-off va final o‘yinida foydalaniladigan rasmiy to‘pning taqdimotini o‘tkazdi.

To‘pning dizayni an'anaviy yulduz ko‘rinishida bo‘lib, u final bo‘lib o‘tadigan Uels davlati ramzi ajdaho tasviri bilan bezaklangan.

Eslatib o‘tamiz, Yevropa chempionlar Ligasining bu yilgi final uchrashuvi 3 iyun kuni «Millenium» stadionida bo‘lib o‘tadi.