OAV: Peru prezidenti Trampdan mamlakatning sobiq prezidentini deportatsiya qilishni so‘radi

Peru prezidenti Pedro Pablo Kuchinski amerikalik hamkasbi Donald Tramp bilan o‘tkazgan telefon orqali muzokarasida Peruning sobiq davlat rahbari Alexandro Toledoni vataniga qaytarish bo‘yicha so‘rovni yodga olgan. Bu haqda Andina axborot agentligi xabar qilmoqda.

«Peru TIVdagi manbalarning xabar qilishicha, davlat rahbari Kuchinski Donald Trampdan Toledoni Peruga deportatsiya qilish masalasini ko‘rib chiqishni so‘ragan. Uni bu yerda sud kutmoqda», — deb xabar qiladi agentlik. 

Qayd etilishicha, Tramp, o‘z navbatida, perulik hamkasbini AQShga taklif qilgan. 

Bundan avvalroq, Vashington rasmiylari, Amerika hukumati Peruning Isroilga ketayotgan sobiq davlat rahbarini ushlamasligini ma'lum qilgan edi.