Google va Microsoft Buyuk Britaniya qidiruv xizmatida qaroqchi saytlarni kamaytiradi

Google va Bing (Microsoft mahsuloti) qidiruv tizimlari Buyuk Britaniyadagi qidiruv tizimida qaroqchi kontentli saytlarni kamaytiradi. The Guardian ma'lumotiga ko‘ra, kompaniyalar Britaniya hukumati bilan shu mavzuda kelishuv imzolagan. 

AT-kompaniyalar tomonidan ko‘rilgan choralar qaroqchi film va musiqalar, shuningdek sport musobaqalarini noqonuniy translyatsiya qiluvchi saytlar qidiruvlarini qiyinlashtiradi.

Bu texnik kompaniya va huquq egalari o‘rtasidagi birinchi shunday bitim. Kodeks 2017 yilning 1 iyunidan kuchga kiradi. 

Kodeks Britaniyaning Intellektual mulk boshqarmasi hamda Madaniyat, media va sport departamentining qo‘llab-quvvatlashi ostida AT-kompaniyalar va huquq egalari tomonidan ishlab chiqilgan. 

Yangi tashabbus bugungi kunda mamlakatda yo‘lga qo‘yilgan aksilqaroqchi chora-tadbirlar bilan parallel ravishda amalga oshiriladi.