Farg‘onada mudhish fojia: Viloyat hokimligi va boshqa aloqador tashkilotlar esa sukut saqlamoqda

23 fevral kunining ikkinchi yarmida, Farg‘ona viloyati, Farg‘ona shahridagi «Farg‘onaazot» korxonasining ammiak sexida portlash sodir bo‘ldi.

Favqulodda vaziyatlar vazirligi bu portlash oqibatida halok bo‘lganlar borligini bildirdi, ammo aniq sonlar keltirilmadi.

Bu vaqtda esa, voqea sodir bo‘lganiga 20 soatdan oshgan vaqtda na Farg‘ona viloyati hokimligi saytida, na «Farg‘onaazot» saytida va na «O‘zkimyosanoat» saytida hodisa haqida ma'lumot berilgan.

«Kun.uz» Farg‘ona viloyati hokimligidagi mas'ullar bilan aloqa o‘rnatish uchun urinishlari behuda ketmoqda.

Shuningdek, hodisa haqida hodisa yuz bergan kuni bir jumla xabar bergan O‘zbekiston Respublikasi Favqulodda vaziyatlar vazirligi sayti keyingi kunda bu haqda sukut saqlamoqda, «Kun.uz» tahririyati vazirlik matbuot xizmati bilan bog‘lana olmayapti.