Turkiya bosh shtabi: Al-Bobning barcha kvartallari IShID jangarilaridan tozalandi

24 fevral holatiga ko‘ra, Al-Bob shahrining barcha kvartallari IShID jangarilaridan ozod etilgan. Bu haqda Turkiya qurolli kuchlari bosh shtabi ma'lumotida keltirilgan.

Shaharda ayni vaqtda hududlarni minalardan tozalash ishlari olib borilmoqda.

«Frot qalqoni» amaliyoti doirasida Suriya shimolida IShIDdan 230ta aholi yashash punkti va 1925 kvadrat kilometr hududdagi maydon ozod qilingan.

«Frot qalqoni» nomi ostidagi aksilterror amaliyotni Suriyada mahalliy kuchlarni qo‘llab-quvvatlagan Turkiya Qurolli kuchlari armiyasi 24 avgust kuni boshlagandi. Turkiya tomoni bu amaliyotni o‘zining janubiy hududlarini IShID tahdididan xalos etish maqsadi bilan izohlagan.

Amaliyotdan maqsad etib Turkiya bilan chegara hududida terrorchilardan xoli hududni barpo qilish belgilangan.

#IShID #Al-Bob

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.