«Tottenhem» «Stok»ni yirik hisobda yengib, turnir jadvalida ikkinchi o‘ringa ko‘tarildi

«Tottenhem» APLning 26-turi doirasida «Stok Siti»ga qarshi uchrashuv o‘tkazdi. Bu o‘yin Londondagi «Uayt Hart Leyn» stadionida bo‘lib o‘tdi va mezbonlarning 4:0 hisobidagi g‘alabasi bilan yakunlandi. 

O‘yinning birinchi bo‘limidayoq Harri Keyn 3ta gol urdi, yana bir gol u bergan pasdan keyin Dele Alli hisobiga yozildi - 4:0.

Bu natija ikkinchi bo‘limda ham saqlanib qoldi, bu g‘alabadan keyin «Tottenhem» hisobidagi ochkolar soni 53taga yetdi va jamoa «Manchester Siti»ni (52) quvib o‘tib, turnir jadvalida ikkinchi o‘ringa ko‘tarildi. Turnir jadvalida «Chelsi» yetakchilikni davom ettirmoqda (63), «Stok Siti» 32 ochkosi bilan 10-o‘ringa joylashgan.

Tottenhem – Stok Siti 4:0
Gollar: 1:0 – 14 Keyn, 2:0 – 32 Keyn, 3:0 – 37 Keyn, 4:0 – 45 Alli.
Tottenhem – Loris, Vertongen (Uinks, 66), Devis, Uoker, Alderveyreld (Vimmer, 49), Dembele, Dayyer, Alli, Vanyama, Eriksen, Keyn (Son Xin Min, 86).
Stok Siti – Grant, Shoukross, Piters, Bardsli, Martins Indi, Allen, Adam (Afellay, 60), Sobhi, Uelan (Kemeron, 82), Arnautovich, Krauch (Beraxino, 60).
Ogohlantirishlar: Uelan (20), Adam (25), Arnautovich (39), Vimmer (67), Vanyama (90).