Rossiyada qancha neft zaxirasi qolganini bilasizmi?

Rossiyaning an'anaviy neft zaxirasi 14 milliard tonnani tashkil qiladi. Yana 10 milliard tonna esa — bu qiyinchilik bilan qazib olinuvchi zaxiralar. Bu haqda Rossiyaning energetika vaziri Aleksandr Novak 7 mart kuni xabar qildi.

2017 yilda xomashyo qiymati barrel hisobiga 50-60 dollar atrofida o‘zgarmoqda, deb aytdi Novak CERAWeek neft anjumanida.

Soat 18:15da (Moskva vaqti bilan) Brent nefti uchun may oyining fyucher shartnomalari ICE London birjalarida 0,36 foizga o‘sdi va barrel boshiga 56,21 dollarni tashkil etdi. Bu haqida birja ma'lumotlari guvohlik bermoqda. Amerika nefti WTIning narxi ham 0,45 foizga (barrel boshiga 53,44 dollar) ko‘tarildi.