Hokimiyatlar texnika, qurilish materiallari va qoramol sotib olishga yordam beradi

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari manfaatdor vazirlik, idora va xo‘jalik birlashmalari bilan birgalikda aholiga tijorat banklari krediti hisobidan xaridlarni amalga oshirishda ko‘maklashishi belgilab qo‘yildi.

Gap tijorat banklari krediti hisobidan sotib olinadigan qoramol, qo‘y-echki, quyon, parranda, baliq, asalari uyasi, mevali daraxt va tok ko‘chatlari, urug‘, mineral o‘g‘it, o‘simliklarni kimyoviy himoya qilish vositalari, maishiy texnika, uskunalar, qurilish materiallari va boshqa tovarlarni hech qanday cheklovlarsiz naqd pulsiz hisob-kitob yo‘li bilan yetkazib berishni tashkil etishga ko‘maklashish haqida bormoqda.

Bu O‘zbekiston Respublikasi Prezidentining «Tadbirkorlik sub'yektlari va kenga aholi qatlamiga mikrokreditlar ajratish tizimini yanada soddalashtirish chora-tadbirlari to‘g‘risida»gi qarorida alohida band sifatida belgilab qo‘yilgan.