Rossiyada O‘zbekiston fuqarosi o‘limiga doir jinoiy ish bo‘yicha tergov davom etmoqda

Fojiali yo‘l-transport hodisasi «Astraxan — Elista — Stavropol» R-216 yo‘lining 103-kilometrida ro‘y bergan. Opel Zafira mashinasida olti nafar kishi, jumladan 41 yoshli haydovchi bo‘lgan. U boshqaruvni yo‘qotgan hamda mashina to‘ntarilib ketgan.

Halokat oqibatida O‘zbekiston fuqarosi bo‘lgan va orqa o‘rindiqda o‘tirgan 21 yoshli yo‘lovchi o‘ta og‘ir jarohatlarni olib, hayotdan ko‘z yumdi. Shu bilan birga, qolgan yo‘lovchilar va haydovchi umuman jarohat olmagan.

Rossiya IIVning Astraxan viloyati bo‘yicha boshqarmasida aniqlik kiritishlaricha, erkaklar Qozog‘istondan Krasnodar o‘lkasiga qarab harakatlanishgan, ular Rossiya hududida ro‘yxatga olishni uzaytirishni maqsad qilishgandi. Avtomobilda bo‘lgan barcha shaxslar O‘rta Osiyo davlatlari fuqarolari bo‘lgan.

Bir insonning o‘limiga sabab bo‘lgan ushbu vaziyat bo‘yicha jinoyat ishi hali yopilmadi, tergov davom etmoqda.