Turkiya "Frot qalqoni" operatsiyasi muvaffaqiyatli yakunlanganini e'lon qildi

Turkiya qurolli kuchlarining Suriya shimolidagi "Frot qalqoni" harbiy operatsiyasi muvaffaqiyatli yakunlandi, deb xabar bermoqda Hurriyet nashri.

Bu haqda Turkiya milliy xavfsizligining Turkiya prezidenti Rajab Toyyib Erdo‘g‘an boshchiligida o‘tgan yig‘ilishida ma'lum bo‘ldi. 

"Mamlakatni IShID tomondan bildirilgan xavfdan himoya qilishni ta'minlash maqsadida boshlangan "Frot qalqoni" operatsiyasi muvaffaqiyatli yakunlandi", deyilgan yig‘ilishda.

Anqara operatsiyani Suriya shimolida 2016 yil 24 avgustda IShID jangarilariga qarshi boshlagandi. Operatsiya davomida Suriyaning Turkiya bilan chegaradosh bo‘lgan Jarablus va Al-Bob shaharlari ozod qilingan.