Ekvadorda saylovlardan so‘ng tartibsizliklar boshlandi

Ekvador prezidenti Rafael Korrea prezidentlik saylovlaridan so‘ng mamlakatning qator shaharlarida tartibsizliklar ro‘y bergan haqida ma'lum qildi. U bu haqda Twitter’dagi sahifasida yozgan.

«Afsus! Kito, Esmeraldas, Ibarra va Asogesda tartibsizliklar. O‘nglar ovoz berish jarayonida erisha olmagan narsalariga, endilikda kuch bilan erishmoqchilar», - deya yozdi prezident.

Avvalroq prezidentlik saylovlarining 2-bosqichida yetakchi "Mamlakat alyansi" partiyasi nomzodi, mamlakatning sobiq vitse-prezidenti Lenin Moreno g‘olib bo‘lgani haqida xabar bergandik.