Peterburg hukumati 10 kishining o‘limini tasdiqladi, jarohatlanganlar soni kamroq

Sankt-Peterburg shahri gubernatori Georgiy Poltavchenko shahar metrosidagi portlashlar oqibatida 10 kishi halok bo‘lganini tasdiqladi.

«10 kishi qurbon bo‘ldi, 20 kishi jarohatlandi», — deya Poltavchenkoning so‘zlarini keltirgan TASS.

Bundan oldingi xabarlarda portlash oqibatida 10 kishi halok bo‘lib, kamida 50 kishi jarohatlangani aytilgandi.

3 aprel kuni Sankt-Peterburg shahri metrosida portlovchi qurilma harakatga keltirildi. Turli manbalarga ko‘ra, poyezd «Texnologicheskiy institut»dan «Sennoy ploshchadi» bekatiga yura boshlaganida portlash ro‘y bergan.