Fransiyada oltin bilan to‘ldirilgan mashinaga hujum uyushtirildi

Fransiyaning Lion shahrida noma'lum shaxslar oltin bilan to‘ldirilgan mashinaga hujum qilishdi. Bu holat shunga o‘xshash hodisadan to‘rt oy o‘tib yana qaytarildi, deb xabar bermoqda Lyonmag nashri.

Nashrning yozishicha, chorshanba kuni ertalab avtomatlar bilan qurollangan noma'lum shaxslar mashinani o‘rab olgan. Ular ko‘zlagan narsalarini olishgandan so‘ng, furgonni yoqib yuborishdi hamda voqea joyidan yashirinishdi.

Politsiya hodisa yuz bergan joyni o‘rab oldi, vertolyot yetib kelgan. Jabrlanganlar haqida ma'lumot yo‘q.

Nashrning ta'kidlashicha, xuddi shunday holat o‘tgan yilning dekabrida ham kuzatilgandi. O‘shanda taxminan 10 nafar noma'lum shaxs 2,5 million yevrolik oltinni o‘marib ketgan.