Dunyodagi eng chiroyli manzarali aeroportlar aniqlandi
Dunyodagi eng chiroyli manzaraga ega aeroport deb Karib dengizining Saba orolida joylashgan Xuancho-Irauskin tan olindi. Turistlar bunday tanlovni go‘zal manzaralar va noodatiy tabiat tufayli qilishgan. Bu haqda PrivateFly tadqiqotchilik kompaniyasi saytida xabar berildi.
Bundan tashqari, Xuancho-Irauskin dunyodagi eng xavfli o‘nta aeroport ro‘yxatiga ham kiradi. Havo qo‘nalg‘asiga qo‘nish faqatgina uch turdagi samolyotlarga ruxsat beriladi, 400 metrli uchish-qo‘nish yo‘lagi esa dunyodagi eng qisqa, deb topilgan.
Ro‘yxatning ikkinchi o‘rnidan Irlandiyadagi Donegol aeroporti joy oldi. Bu yerga faqatgina bir aviakompaniya muntazam reyslarni amalga oshiradi.
Uchinchi pog‘onada – Fransiyadagi aeroport: O‘rta yer dengizi qirg‘og‘ida joylashgan Nitstsa Lojuvard Qirg‘oq.
Shuningdek top-10ga Gibraltar, Kvinstaun (Yangi Zelandiya), London-Siti (Buyuk Britaniya), Malika Yuliana aeroporti (Karib orollari), Orlando (AQSh), Barra (Buyuk Britaniya) va Billi Bishop Toronto Siti (Kanada) aeroportlari ham kirdi.
Mavzuga oid
20:25 / 19.09.2024
Moskva aeroportlarida xorijliklar uchun yangi qoidalar joriy etiladi
20:30 / 18.09.2024
O‘zbekiston elektron hukumat reytingida 6 pog‘ona yuqoriladi
18:35 / 12.09.2024
2024 yilda dunyoda eng ko‘p sotilgan avtomobillar o‘ntaligi ma’lum qilindi
10:45 / 12.09.2024