Kinematografiyani rivojlantirish markazi o‘z faoliyatini boshladi

O‘zbekistonda kinematografiya sohasini yanada rivojlantirishga ko‘maklashish, sohada faoliyat ko‘rsatayotgan tadbirkorlik sub'yektlari faoliyatiga amaliy yordam ko‘rsatish, yosh kinoijodkorlarni qo‘llab-quvvatlash, ularning imkoniyatlarini ro‘yobga chiqarishga amaliy yordam berish kabi qator ijtimoiy maqsad va vazifalarni amalga oshirish maqsadida Kinematografiyani rivojlantirish markazi nodavlat-notijorat tashkiloti ta'sis etilib, O‘zbekiston Respublikasi Adliya vazirligida davlat ro‘yxatidan o‘tkazildi. Bu haqda markaz matbuot xizmati xabar bermoqda.

Kinematografiyani rivojlantirish markazining rasmiy ochilish marosimi 3 may kuni bo‘lib o‘tish rejalashtirilgan.

Ochilish marosimida kino san'ati arboblari, kino tanqidchilari, aktyor va aktrisalar hamda OAV xodimlari ishtirokida matbuot anjumani ham bo‘lib o‘tadi.

Markaz Toshkent shahri Muqimiy ko‘chasi 8-uyda joylashgan bo‘lib, e'tiboringizga markaz binosining foto suratlarini taqdim qilamiz.