Ibrahimovich va Pogbaning "MYu"dagi daromadlari oshkor qilindi

"Manchester Yunayted" futbolchilari Zlatan Ibrahimovich hamda Pol Pogbani shartnomasi haqida ma'lumotlar paydo bo‘ldi. Ma'lumot shu hafta Germaniyada taqdimoti bo‘lib o‘tadigan "The Dirty Business" kitobini chop etildi. "MYu"ning ikki o‘yinchi maoshi haqida Daily Mail’ga ma'lumot kelib tushgan. 

Joriy mavsum oxirida shartnomasi tugaydigan Zlatan Ibrahimovich 1 yilda 19 mln funt sterlingdan biroz ko‘proq ishlab topgan. Futbolchi haftasiga 367 ming funt sterling, shuningdek, ma'lum miqdorda kiritilgan gollar uchun 2,8 mln funt sterling bonus olgan. 

Jamoa yarim himoyachisi Pol Pogba esa yil davomida 8,6 mln funt sterling olgan bo‘lsa, keyingi mavsumdan esa sodiqlik uchun qo‘shimcha 3,4 mln funt sterling oladi.