Toshkent temir yo‘l muhandislari instituti Peterburg universiteti bilan hamkorlik qiladi

Toshkent temir yo‘l muhandislari instituti (TTYMI) Sankt Peterburgning davlat aloqa yo‘llari universiteti (PDAYU) bilan hamkorlik qilish to‘g‘risidagi kelishuvni imzoladi. Bu haqda UzDaily.uz xabar qilmoqda. 

Hujjat Peterburg davlat aloqa yo‘llari universiteti rektori Aleksandr Panichev yetakchiligidagi delegatsiyasining O‘zbekistonga tashrifi doirasida imzolangan. 

Tomonlar hujjat doirasida lektorlar almashinuvini yo‘lga qo‘yadi, birgalikda tadqiqotlar o‘tkazadi, malaka-darslari, seminarlar, konferensiyalar va boshqa turli anjumanlar tashkil etadi. 

Bundan tashqari, birgalikda monografiyalar, darsliklar, ilmiy-uslubiy qo‘llanmalar ishlab chiqish rejalashtirilgan.