NRC: 2016 yilda har soniyada bir kishi qochishga majbur bo‘lgan

Norvegiya qochqinlar qo‘mitasi (NRC) dushanba kuni 2016 yili mojarolar, zo‘ravonliklar yoki tabiiy ofatlar natijasida 31 milliondan ziyod kishi o‘z uyini tark etishiga to‘g‘ri kelgani haqida ma'lum qildi. Daily Sabah shu haqida xabar berdi. 

NRC hisobotiga ko‘ra, o‘tgan yili har soniyada bir kishi qochishga majbur bo‘lgan. 

Ziddiyat va zo‘ravonliklar 7 millionga yaqin kishining, tabiiy ofatlar esa 24 million kishining o‘z uyini tark etishiga sabab bo‘lgan.

Norvegiya qochqinlar qo‘mitasi 1946 yilda yashash joyini o‘zgartirgan kishilarni rag‘batlantirish va huquqlarini himoya qilishga maqsadida tuzilgan mustaqil gumanitar tashkilot hisoblanadi.