Xalqaro Press-klubning yengil sanoatga bag‘ishlangan yig‘ilishi jonli efirda namoyish etiladi

Joriy yilning 24 may kuni Xalqaro Press-klubda “O‘zbek yengil sanoati: jahon e'tirofi” mavzusida yig‘ilish bo‘lib o‘tadi.

U O‘zbekiston yengil va tekstil sanoati rivoji hamda “Bolajonlar-shirintoylar” bolalar moda Festivaliga bag‘ishlanadi. Tadbirda “O‘zbekengilsanoat”, “Osiyo Ramzi” dizaynerlar hamda modelerlar assotsiatsiyasi va xususiy sektor vakillari sohadagi muammolar haqida fikr bildirishadi.

Yig‘ilish Milliy teleradiokompaniya Media markazidan to‘g‘ridan-to‘g‘ri efirga uzatiladi. Tadbirni "O‘zbekiston" telekanali orqali Toshkent vaqti bilan soat 17:10 dan boshlab tomosha qilish mumkin.