Liviyadagi aviabaza hukumatni tan olmaydigan marshal armiyasi tomondan bosib olindi

Foto:AP Photo / Mohammed El-Sheikhy
Liviyalik marshal Halifa Xaftar boshchiligidagi Liviya milliy armiyasi Liviya janubida joylashgan, Tripolidagi hukumatni qo‘llab-quvvatlovchi otryadlar nazoratidagi Tamenxant aviabazasini bosib oldi. Bu haqda marshal harbiylariga iqtibos keltirgan holda "Frans Press" axborot agentligi xabar berdi.
Xaftar Tripolidagi Liviya milliy kelishuv hukumatini tan olmaydi va mamlakatning sharqiy hududlaridan armiyani mustaqil boshqaradi. Avvalroq BAAda Xaftar va Tripolidagi hukumat rahbari Fayoz as-Sarroj ba'zi kelishuvlarga erishgan muzokaralar bo‘lib o‘tgandi, biroq shunga qaramasdan, ikki tomon qurolli kuchlari to‘qnashuvlari to‘xtamagan.
Ma'lum qilinishicha, aviabaza Tripolidagi hukumatni qo‘llab-quvvatlovchi "Uchinchi kuchlar" otryadlari nazoratida bo‘lgan, biroq Xaftar odamlari bir necha kun davomida uni qurshovda ushlab, o‘qqa tutishgan. 25 may kuni harbiylar aviabazadan "Uchinchi kuchlar" otryadlarini chekinishga majbur qilib, uni jangsiz qo‘lga kiritishgan.
Mavzuga oid

21:22 / 07.05.2025
AQSh migrantlarni Liviyaga deportatsiya qilishga tayyorlanmoqda

09:05 / 31.01.2025
Rossiya Suriyadagi harbiy kontingentini Liviyaga ko‘chiradimi?

20:51 / 06.01.2025
Parijda sobiq prezident Sarkozi Qazzofiy fondidan 50 mln yevro olgani bo‘yicha sud eshituvi boshlandi

12:33 / 06.11.2024