Mutaxassis Trampning immigratsiya haqidagi farmonlari AQShni himoyalay olmasligini aytdi

AQShni immigratsiya sohasidagi farmonlar bilan himoyalab bo‘lmaydi. Bunday tanqidiy fikrni AQSh prezidenti Donald Tramp nomiga 4 iyunda ABC telekompaniyasi efirida AQShning sobiq prezidenti Barak Obamaning milliy xavfsizlik bo‘yicha sobiq yordamchisi Syuzan Rays bildirdi.

Rays AQShda Londondagi kabi teraktlarga yo‘l qo‘ymaslik choralarining samaradorligi borasida berilgan savolga agar Trampning immigratsiya haqidagi farmoni amalga oshadigan bo‘lsa, "AQShda yashash xavfsizroq bo‘lishiga isbotlar yo‘qligini" aytdi. "Aynan shuning uchun ko‘pchilik federal sudyalar bu farmonga shubha bilan qarashmoqda", deb ta'kidlab o‘tdi Rays. 

"Musulmonlarni yakkalab, biz eng ko‘p hamkorlik qilishimiz kerak bo‘lgan AQShdagi jamoatni o‘zimizga qarshi qilib qo‘ymoqdamiz", deb tushuntirgan o‘z fikrlarini Rays. Uning fikricha, terrorchilikni yakson qilish "uzoq muddatli istiqbolga mo‘ljallangan chaqiriqdir". "Biz davlatlarimizda har birining harakatini oldindan bilish murakkab bo‘lgan o‘z ko‘yidagi ekstremistlar muqarrar paydo bo‘lishini anglashimiz kerak", deb aytdi Rays va razvedka samaradorligini oshirish hamda Buyuk Britaniya kabi davlatlar bilan hamkorlikni mustahkamlash kerakligini ta'kidlab o‘tdi.

Tramp Londondagi teraktlardan keyin AQShga bir qator musulmon davlatlari fuqarolarining kirishini taqiqlovchi immigratsiya farmoni ijrosini qayta tiklash zarurligini aytdi. "Biz aqlli, ogoh va qattiqqo‘l bo‘lishimiz kerak. Sudlar bizga huquqlarimizni qaytib berishlari lozim. Bizga xavfsizlikning qo‘shimcha chorasi sifatida mamlakatga kirishni taqiqlovchi qonun zarur", deb yozgan Tramp tvitterda.

Avvalroq AQSh federal sudlari Trampning immigratsiya farmonini to‘sish haqida qaror chiqarishgan. AQShga 7 ta musulmon davlati fuqarolariga 90 kunga kirishni taqiqlovchi farmon ijrosi Sietldagi federal sud tomondan to‘xtatilgan.