Nukusda elektrotexnika mahsulotlarini ishlab chiqarish yo‘lga qo‘yiladi

Nukusda elektrotexnika mahsulotlarini ishlab chiqishga mo‘ljallangan Nukuselectroapparat MChJ ishga tushmoqda.  

O‘zbekiston Prezidenti Shavkat Mirziyoyev 13 iyunda "Nukus shahrida elektrotexnika mahsulotlarini ishlab chiqarishni tashkillashtirish to‘g‘risida"gi qarorni imzoladi. 

Qaror Qoraqalpog‘iston Respublikasida zamonaviy energosamarali uskunalarni ishlab chiqarish va import o‘rnini bosuvchi mahsulotlarning keyingi lokalizatsiyasiga doir ishlab chiqarish quvvatlarini yaratish maqsadida qabul qilingan. 

Korxonaning ustav kapitali 8 million dollarni tashkil qiladi. 

Tanotrade AG kompaniyasi (Shveytsariya)ning ulushi - 80 foiz,  Toshelectroapparat MChJ ulushi esa - 20 foiz. 

O‘zbekiston Prezidenti Nukuselectroapparat MChJga soliq va bojxona imtiyozlarini taqdim etdi.