Nazarboyev Finlandiya prezidentini elektrokarda sayr qildirdi (video)

Qozog‘iston prezidenti Nursulton Nazarboyev finlyandiyalik hamkasbi Sauli Niinistyo bilan “Ostona EKSPO-2017” ko‘rgazma majmuasi hududida elektrokarda sayr qildi. Bu haqda Qozog‘iston rahbari matbuot xizmati Facebook’da xabar berdi.

«Kecha Finlyandiya milliy pavilonining ochilishi davomida davlat rahbari elektrokar ruliga shaxsan o‘tirdi va Finlyandiya Respublikasi prezidenti S. Niinistyo uchun “Ostona EKSPO-2017” ko‘rgazma majmuasi hududida maxsus ekskursiya o‘tkazdi», - deyiladi xabarda.

Avvalroq Qozog‘iston hukumatining qarori bilan Ostona xalqaro aeroporti "Nursulton Nazarboyev xalqaro aeroporti" deb qayta nomlangani haqida xabar berilgandi.