Yunusobodda fohishaxona aniqlandi

2017 yilning 20 iyun kuni taxminan soat 21:30 larda o‘tkazilgan tezkor tadbir davomida Sabirova Nadejda Vasilevna (anketa ma'lumotlari o‘zgartirilgan) Yunusobod tumani hududida joylashgan xonadonda fohishaxona saqlab, 40.000 so‘m pul evaziga fuqaro «R» va «K» larga jinsiy aloqa qilishlari uchun sharoit yaratib berganligi aniqlangan. Bu haqda poytaxt IIBB xabar berdi.

Mazkur holat yuzasidan Yunusobod tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.