Lavrov Bashar Asad bo‘yicha bayonot berdi

Rossiya Tashqi ishlar vaziri Sergey Lavrov ma'lum qildiki, Moskva Suriya prezidenti Bashar Asadni qo‘llab-quvvatlamaydi va BMT Xavfsizlik kengashi rezolyutsiyasiga amal qiladi. Bu haqda RIA «Novosti» xabar tarqatdi.

Vazirning so‘zlariga ko‘ra, Suriya va suriyaliklar yetakchisi taqdirini faqat shu mamlakat fuqarolari hal qilishi mumkin.

«Biz Asadning himoyachisi emasmiz, biz BMT XK rezolyutsiyasiga rioya etamiz. Suriya u yerda qora nomda yozilgan — Suriya taqdirini faqat suriyaliklar hal etishadi», — degan Lavrov.

Rossiya prezidenti Vladimir Putin ham G20 sammiti doirasidagi matbuot anjumanida Suriya davlati va prezident Bashar Asadning kelajagi «Suriya xalqi tomonidan belgilanishi kerakligi»ni aytib o‘tgandi.

7 iyul kuni Tillerson matbuot anjumanida Vashington Bashar Asadni Suriya siyosiy hayotida istiqbolga ega deb bilmasligini ma'lum qilgandi.

Tayyorlagan Азиз Қаршиев

#Sergey Lavrov #Bashar Asad

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.