O‘zMUda ijodiy imtihonlar adolatli o‘tkazilishi uchun kuzatuv kameralari o‘rnatildi

Mirzo Ulug‘bek nomidagi O‘zbekiston Milliy universitetida 2017-2018 o‘quv yili uchun Ijtimoiy ish, pensiya ta'minoti va jurnalistika bakalavr ta'lim yo‘nalishlariga ijodiy sinov imtihonlari bo‘lib o‘tdi.

Imtihonlarni oshkora va adolat mezonlari asosida tashkil etish uchun barcha auditoriyalarga kuzatuv kameralari o‘rnatildi. Bu esa ota-onalar farzandlarini monitor orqali bemalol kuzatib turishini ta'minladi.

Avvalroq universitetda tatbiq etilgan «aqlli texnologiyalar» vositasida boshqa abituriyentning o‘rniga hujjat topshirishga uringan «ziyoli snayperlar» fosh etilgani haqida xabarlar berilgan edi.