O‘zbekistonlik yosh matematiklar xalqaro olimpiadada 9 ta medalni qo‘lga kiritdi

O‘zbekistonlik maktab o‘quvchilari Bolgariyadagi “Chegara bilmaydigan matematika” xalqaro musobaqasida 1 ta oltin, 4 ta kumush va 4 ta bronza medallarini qo‘lga kiritishdi.

Musobaqa “Chegara bilmas ta'lim” Pedagogika assotsiatsiyasi (Bolgariya) va “Innovation” ta'lim markazi (Qozog‘iston) tomonidan tashkil etildi.

Finalda jahonning 11 davlatidan bo‘lgan 1200 dan ortiq 1-12 sinf o‘quvchilari qatnashdi. 

Shaxsiy musobaqalar davomida o‘quvchilar atigi 60 daqiqa ichida 20 ta matematik masalani yechishdi.

Shaxsiy musobaqalar natijalari:

Oltin – Inoyatova Nigina (3 sinf);
Kumush – Karetnikov Vladimir (2 sinf);
Bronza – Mustafin Marat (1 sinf), Mirzayev Axat (2 sinf), Sharifxo‘jayev Amir (4 sinf), Obidjonova Samina (4 sinf).
 
Jamoaviy musobaqalar natijasi: 

Kumush - Muhitdinova Anora, Sharifxo‘jayev Amir, Zohidova Farangiz (4 sinf)