Venesuelada namoyishlar boshlanganidan beri 120 dan ortiq inson hayot bilan vidolashdi

Venesuelada norozilik namoyishlari boshlanganidan beri 120 dan ortiq inson halok bo‘ldi, yana 1,9 mingdan ortiq kishi jabrlandi. Bu haqda mamlakat bosh prokurori Luisa Ortega Dias xabar berdi, deya ma'lum qilmoqda EFE.

«So‘nggi to‘rt oyda qayg‘uli balansga egamiz – 121 kishi halok bo‘ldi, 1958 inson turli darajada tan jarohatlarini oldi», - deya ma'lum qildi u.

Avvalroq Venesueladagi norozilik namoyishlarida 13 kishi halok bo‘lgani haqida xabar berilgandi. Amerika Qo‘shma Shtatlari esa Venesuela prezidenti Nikolas Maduroga qarshi «demokratiyaga putur yetkazganligi» uchun sanksiyalar e'lon qildi.