“Samarqand” xalqaro aeroporti to‘liq ta'mirdan keyin o‘z ishini boshladi

“Samarqand” xalqaro aeroporti sun'iy uchish-qo‘nish polosasi uchastkalari to‘liq ta'miri yakunlangandan keyin 1 avgustdan samolyotlarni qabul qila boshladi. Bu haqda “O‘zbekiston havo yo‘llari” MAK matbuot xizmati ma'lum qildi. 

Aeroport 2017 yilning 1 iyulidan 31 iyuligacha yopiq bo‘lgan.

Bu vaqt davomida turli idoralar va kompaniyalar mutaxassislari aeroportning sun'iy uchish-qo‘nish polosasini to‘liq ta'mirdan chiqarishgan. Barcha ta'mirlash ishlari qisqa vaqt ichida yuqori sifatda amalga oshirilgan.

1 avgust kuni aeroport Rossiyaning Utair aviakompaniyasining birinchi samolyotini qabul qildi.