Vladimir Klichko faoliyatini yakunladi

Vladimir Klichko professional bokschilik faoliyatini yakunladi. Bu haqda Germaniyadagi Bild nashri xabar tarqatdi. Ukrainalik ushbu bokschi faoliyati davomida 69 jang o‘tkazdi, 64 jangda g‘alaba qozonib (53 nokaut), 5 jangda mag‘lubiyatga uchradi.

Manba ma'lumotiga ko‘ra, Klichko britaniyalik Entoni Joshuaga qarshi revansh o‘tkazishga rozi bo‘lmagan. Ushbu jang shu yil noyabrida Las-Vegasda bo‘lishi kutilgandi.

Aprel oyida Klichko Joshuaga qarshi ringga ko‘tarilib, texnik nokautga uchragandi.