Yashnobod tumanidagi poliklinikida o‘g‘rilik qilgan ayol ushlandi

2017 yilning 31 iyul kuni taxminan soat 14:00larda Nargiza Ergasheva o‘zganing mol-mulkini yashirin ravishda talon-toroj qilish maqsadida Yashnobod tumani hududida joylashgan poliklinikada bo‘la turib, shu yerda yo‘lakda fuqaro Nadejda Kupchenko (jabrlanuvchining anketa ma'lumotlari o‘zgartirilgan) tomonidan qarovsiz qoldirilgan, ichida 260.000 so‘m hamda 600 AQSh dollari miqdoridagi pullari bo‘lgan hamyonini o‘g‘irlagan. Bu haqda Toshkent IIBB xabar berdi.

Mazkur holat yuzasidan, Yashnobod tumani IIB huzuridagi Tergov bo‘limi tomonidan O‘zbekiston Respublikasi JKning 169-moddasi 1-qismi (o‘g‘irlik, ya'ni o‘zganing mol-mulkini yashirin ravishda talon-toroj qilish) alomatlari bilan jinoyat ishi qo‘zg‘atilgan. 

Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.