AQSh davlat kotibi Shimoliy Koreya tashqi ishlar vaziri ishtirok etgan qabulga kelmadi 

AQSh davlat kotibi Reks Tillerson hozirda Janubi-Sharqiy Osiyo davlatlari uyushmasi (ASeAN) anjumani o‘tayotgan Filippinda tashqi ishlar vazirlari qabulini o‘tkazib yubordi. Bu tadbirda, jumladan, Shimoliy Koreya tashqi ishlar vaziri Li Yen Xo ishtirok etgan.

Associated Press axborot agentligining ma'lum qilishicha, Tillerson bu qabulga kelishi kerak edi. Biroq natijada uning o‘rniga uning Janubiy Osiyo va Tinch okeani ishlari bo‘yicha o‘rinbosari Syuzan Tornton kelgan.

Tillerson yordamchisining aytishicha, anjumandagi sermahsul birinchi kundan keyin "Tillersonga ikkinchi kunga tayyorlanish uchun vaqt kerak bo‘lgan" va shu sababli u qabulni o‘tkazib yuborgan.